Bam Aquino nakuha ang suporta nina Piolo Pascual at Iza Calzado

METRO MANILA, Philippines — Si Piolo Pascual, o Papa P, ang pinakahuling kilalang personalidad na nag-endorso kay dating Sen. Bam Aquino.

Kahapong araw ng Linggo, sumama sa motorcade ni Aquino sa Metro Manila ang aktor at umikot sila sa Quezon City at Mandaluyong City.

Kasama din nila ang mga aktres na sina Iza Calzado at Bea Binene.

Nagpunta din sina Aquino sa Muntinlupa City, Valenzuela City, Pasay City, at Las Piñas City.

Kasama sa pag-iikot ang kilalang influencers na sina Kerwin King, Zion Aguirre, Andrea Guevarra, Andrei Hermida, Damien Villafor at Niño San Jose.

Noong 2022 presidential elections, tumaya si Pascual sa kandidatura ni dating Vice President Leni Robredo.