Nakakakilig na Biyernes ang mapapanood sa Family Feud stage dahil magsasama ang host at Kapuso Primetime King na si Dingdong Dantes at Kapuso Primetime Queen Marian Rivera.

Sa pagbabalik ni Marian sa Family Feud ngayong June 27, makakasama siya ni Dingdong sa pag-perform ng trending TikTok dance craze.

Makakasama ni Marian sa pagbisita sa Family Feud ang host, dance authorities, at celebrity and digital dance stars sa Stars on the Floor. Ipapakita pa ng Dance Royalty at Superstars on the Floor ang kanilang husay sa sayawan bago ang kanilang friendly guessing game sa Family Feud stage.

Tampok sa team Dance Royalty ang grupo ni Marian na kinabibilangan ng fellow dance authority and Star Comedienne of the Dance Floor na si Pokwang. Kasama rin nila si celebrity dance star and Sang’gre Flamarra na si Faith da Silva; at ang celebrity dance star na si Rodjun Cruz.

Magiging team leader ng Superstars on the Floor ang host ng Stars on the Floor at Asia’s Multimedia Star na si Alden Richards. Kasama niyang maglalaro sa Family Feud ang Korean dance star na si Dasuri Choi; ang Treadmill digital dance star na si Kakai Almeda; at digital dance star at former Hashtag member na si Zeus Collins. Abangan ang exciting face off ng Stars on the Floor sa pinakamasayang family game show sa buong mundo ngayong Biyernes (June 27) sa Family Feud!

“Lahat Panalo” sa Family Feud kaya subaybayan ang fresh episodes Lunes hanggang Biyernes, 5:40 p.m. sa GMA Network. Mapapanood din ang Family Feud sa GMA Network at Family Feud YouTube channel at sa Family Feud Facebook page.

Sa mga home viewers, huwag kalimutang sumali sa Guess to Win promo ng Family Feud para sa pagkakataong manalo ng PhP 20,000.