– Binahagi ni Piolo Pascual ang sosyaling regalong kanyang natanggap mula sa mag-asawang Hayden Kho at Vicki Belo

– Sa kanyang binahaging picture, makikitang sakay siya sa isang jet ski habang nasa kalagitnaan ng dagat

– Pinasalamatan nito ang mag-asawa na inilarawan niya bilang “lovely and always generous” na kaibigan

– Pabiro pa nitong binanggit na sun spots naman ang poproblemahin niya

Ibinida ni Piolo Pascual ang isang sosyaling gift na kanyang natanggap mula sa celebrity doctors na sina Hayden Kho at Vicki Belo.

Sa isang Instagram post ay binahagi ni Piolo ang kanyang litrato na nakasakay sa isang jet ski habang nasa gitna ng dagat.

Got a super wonderful gift from these lovely and always generours friends of mine… @victoria_belo @dochayden thank you so much You guys are the sweetest… now what to do with the sun spots #butinalangmaybelo #foreverbelobaby

Kilalang malapit na magkaibigan ang mag-asawa at si Piolo na endorser din ng Belo Clinic. Naging bahagi din si Piolo ng pag-iisang dibdib nina Vicki at Hayden.

Mula sa pagiging tinitingalang aktor, tila nakahanap ng bagong trabaho si Piolo Pascual sa labas ng maingay na siyudad.

Nakahanap ng kanlungan sa isang dating dive resort sa Batangas si Piolo kung saan ginugugol nito ang kaniyang oras sa pagkakarpintero at pagiging hardinero sa kaniyang tinutuluyang bahay.

Sa kaniyang pamamalagi sa Batangas, natutunan umano ng aktor na ang mga simpleng bagay na kailangan ng tao ay makukuha nang libre.

Si Piolo Pascual ay kilala bilang isa sa pinakahinahangaang leading man sa showbiz. Ilan sa mga naging kapareha niya sa pelikula at teleserye ay sina Judy Ann Santos, Claudine Barretto, Angel Locsin, Bea ALonzo, Toni Gonzaga at marami pang iba.

Kamakailan ay nag-donate si Piolo ng 200 na bike para sa bike drive ni Gretchen Ho. Nauna na ring ring naibahagi ni Piolo ang kanyang resthouse sa Batangas.